fbpx




कंचनपुर, कात्तिक २८ (नेपालनीति)- कंचनपुरको उत्तरी क्षेत्र जोड्ने गड्डाचौकी–ब्रह्मदेव सडक निर्माणमा भारतीय पक्षले फेरि अवरोध पुर्याएको छ ।

नेपाल–भारत सीमा पिलर ८०९ (५ ‘ए’) नजिक निर्माण भइरहेको कालोपत्रे सडकमा ह्युमपाइपको विषयलाई लिएर भारतीय सीमा सुरक्षा बल (एसएसबी) ले अवरोध गरेको हो । नेपाली भूमिमै निर्माण भइरहेको सडकलाई आफ्नो क्षेत्रभित्र पर्ने भन्दै हतियारसहित आएका एसएसबीले हस्तक्षेप गरेका हुन् । उनीहरुले निर्माण भइरहेको सडकमा पानी निकासका लागि हालेको ह्युम पाइप निकाल्नुपर्ने दबाब दिएपछि विवाद भएको छ ।

भारतीय पक्षको अवरोधका कारण सडक निर्माणको कार्य नै रोकिएको स्थानीयवासीले बताएका छन् । सडक निर्माणमा एसएसबीले अवरोध गरेपछि निर्माण काम रोकिएको जानकारी प्राप्त भएको प्रमुख जिल्ला अधिकारी कुमारबहादुर खड्काले बताए । ‘भारतीय पक्षसँग संयुक्त छलफल गरेर निर्माण कार्य अगाडि बढाइनेछ’, प्रजिअ खडकाले भने ।

गत वर्ष फागुनमा कल्भर्टको विषयलाई लिएर भएको विवादमा भारतीय एसएसबीले चलाएको गोली लागेर कञ्चनपुरको पुनर्वास नगरपालिकामा एकजना नेपालीले ज्यान गुमाएका थिए ।

तपाईंको प्रतिकृयाहरू