fbpx




काठमाडौँ, मंसिर ८ (नेपालनीति)-  थाइल्याण्डमा जारी आइसिसी महिला टि–ट्वेन्टी विश्वकप एशिया छनोटमा नेपालले मलेसियालाई पराजित गर्दै प्रतियोगितामा पहिलो जित दर्ता गराएको छ ।

बैंककस्थित एशियन इन्स्टिच्युट अफ टेक्नोलोजीको मैदानमा आज भएको चौथो खेलमा नेपालले मलेसियालाई ३३ रनले पराजित गर्दै प्रतियोगितामा पहिलो जित दर्ता गराएको हो । यसअघि नेपालले खेलेको तीन खेलमध्ये दुई खेल वर्षाले प्रभावित भएको थियो भने एक खेलमा पराजित भएको थियो ।

टस हारेर पहिले ब्याटिङको निम्तो पाएको नेपालले निर्धा्रित २० ओभरमा ६ विकेट गुमाउँदै १०८ रनको योगफल बनायो । जवाफी ब्याटिङमा उत्रेको मलेसिया २० ओभरमा सात विकेट गुमाउँदै ७५ रनमा समेटियो । यस जितसँगै चार खेल खेलेको नेपालको चार अंक नै छ ।

नेपालको जितमा सीता रानामगरले सर्वा्धिक ३७ रनको योगदान दिइन् । ४२ बल खेलेकी उनले तीन चौकाको मद्धतमा ३७ रन जोडेकी हुन् । त्यस्तै ज्योति पाण्डेले २१ तथा काजोल श्रेष्ठले १८ रन जोडे ।
मलेसियाकी जनादिह हालिम र नुर अरियना नत्स्याले समान दुई÷दुई विकेट लिइन् । त्यस्तै यता मलेसियाका लागि भने एमएली एलिएनीले २४, कप्तान डब्लु ए दुरासिंगमले ११ तथा जायनी स्यामिमीले १६ रन जोडे ।

तपाईंको प्रतिकृयाहरू