fbpx




पोखरा, भदौ ३० (रासस) –बुद्ध एयरले बिहीबारदेखि पोखराबाट भरतपुर र भैरहवामा हवाई उडान सुरु गरेको छ ।

उक्त कंपनीले बिहीबार बिहान १० बजे पोखराबाट भरतपुरका लागि पहिलो हवाई उडान सुरु गरेको स्टेशन म्यानेजर गौतम बरालले जानकारी दिए ।

त्यस्तै ११ः२२ बजे अर्को विमान पोखराबाट भैरहवाका लागि उडेको छ । १९ सिट क्षमताको सो बिमान पोखराबाट भरतपुर पुग्न १५ मिनेट र पोखराबाट भैरहवा पुग्न १७ मिनेट लाग्ने म्यानेजर बरालले बताए ।

पोखराबाट भरतपुर एकतर्फी नेपालीका लागि भाडा रु .तीनहजार ६०० र विदेशीका लागि ९२ डलर कायम गरिएको छ । त्यस्तै पोखराबाट भैरहवाका लागि नेपालीलाई रु चार हजार २०० र विदेशीका लागि ९७ डलर कायम गरिएको छ ।

यी उडान आजदेखि नियमित हुने बरालले जानकारी दिए ।

 

तपाईंको प्रतिकृयाहरू