fbpx




वीरगञ्ज, पुस ५ (नेपालनीति) –वीरगञ्जको सुपर ग्यास उद्योगमा लागेको आगो नियन्त्रण बाहिर गएपछि नजिकको बस्तीका बासिन्दालाई सुरक्षित स्थानमा सारिएको छ ।
ग्यास उद्योग नजिक रहेको मसिहानी बस्ती खाली गराइएको हो । यो बस्ती आगलागी भएको उद्योगभन्दा करिब ५ सय मिटरको दूरीमा छ । आगो फैलिँदै गएपछि वरपरका बासिन्दा त्रसित भएका छन् ।

पर्साका प्रमुख जिल्ला अधिकारी विनोद प्रकाश सिंहले भने, ‘हाम्रो स्रोतसाधान र क्षमताले नभ्याउने भएपछि भित्र पस्ने अवस्था छैन । आगो निभाउन सकिएको छैन । हामीले बाहिरको बस्ती सार्ने तर्फ ध्यान केन्द्रित गरेका छौं ।’
ग्यास उद्योग नजिक अन्य उद्योगहरु पनि छन् । ती उद्योगहरुमा पनि आगलागी फैलने खतरा बढेपछि सतर्कता अपनाइएको छ ।
बिहान सवा ६ बजेतिर उद्योगमा आगो लागे पनि नियन्त्रण हुन सकेको छैन । तर, आधा घण्टा अघिदेखि सिलिण्डरहरु पड्किने क्रम रोकिएको प्रजिअ सिंहले बताए ।
आगो निभाउन गएको दमकल नै जलेको, फायर म्यान घाइते भएको, आगो निभाउने गएकामध्ये दुई जना सम्पर्क विहीन भएको र ग्यास सिलिण्डर पड्किरहेकाले आगो निभाउने प्रयास नै नगरिएको हो ।
आगलागी भएको स्थानमा दुईवटा शव भेटिएका छन् । शव अग्नि नियन्त्रकको रहेको प्रजिअ सिंहले बताएका छन् घाइते २ जनालार्इ उपचारका लागि काठमाडौं पठाइएको छ ।

तपाईंको प्रतिकृयाहरू